Enter title of your collection

គណនេយ្យ​ គឺ​ជា​ភាសា​របស់​អាជីវកម្ម ព្រោះ​គណនេយ្យ​ប្រាប់​អ្នក​ពី​ស្ថាន​ភាព​ដែល​ក្រុម​ហ៊ុន​កំពុង​នៅ និង សមត្ថភាព​ដែល​ក្រុម​ហ៊ុន​អាច​សម្រេច​បាន ។

យើង​អាច​ដឹងពី​ស្ថាន​ភាព និង សមត្ថ​ភាព​របស់​ក្រុម​ហ៊ុន​មួយ​បាន តាម​រយៈ​ការ​វិភាគ​តាម​របស់​ការ​ហិរញ្ញ​វត្ថុ ។ របាយ​ការណ៌ហិរញ្ញ​វត្ថុ​សំខាន់​ៗ​របស់​ក្រុមហ៊ុន​មួយ​ មាន​ដូច​ខាង​ក្រោម៖ ១ - របាយការណ៍​ចំណេញខាត ២ - របាយការណ៍​មូលធន ៣ - តារាង​តុល្យការ ៤ - របាយ​ការណ៍​លំហូរ​សាច់​ប្រាក់

គណនេយ្យ​ករ មាន​នាទី​ជា​អ្នក​រៀប​ចំ​របាយការណ៍​ហិរញ្ញវត្ថុ ។ របាយ​ការណ៍​ហិរញ្ញ​វត្ថុ​ដែល​ល្អ ជួយ​អ្នក​មើល​របាយការណ៍​ (ពិសេស​ម្ចាស់​ក្រុមហ៊ុន) ក្នុង​ការ​សម្រេច​ចិត្ត​បាន​ល្អ (ត្រឹម​ត្រូវ​ និង ទាន់​ពេល​វេលា) ។ ដូច​នេះ​ ទាម​ទារ​ឲ្យ​អ្នក​រៀប​ចំ​ គឺ​ជា​គណនេយ្យ​ករ​ល្អ​ដែល​មាន​ជំនាញ និង បទពិសោធន៍​គ្រប់​គ្រាន់ ។

អ្នក​មើល​របាយ​ការណ៍​ហិរញ្ញ​វត្ថុ​ចែក​ជា​ពីរ​ក្រុម​គឺ អ្នក​ខាង​ក្នុង​ និង​ អ្នក​ខាង​ក្រៅ ។ អ្នក​ខាង​ក្នុង (ក្នុង​ក្រុមហ៊ុន) ​មាន​ដូច​ជា៖ ១ - ម្ចាស់​ក្រុមហ៊ុន ២ - គណៈគ្រប់​គ្រង ៣ - បុគ្គលិក​តាម​ផ្នែក​នីមួយ​ៗ​របស់​ក្រុមហ៊ុន -ល-

អ្នក​ខាង​ក្រៅ​ (ក្រៅ​ក្រុមហ៊ុន) មាន​ដូច​ជា៖ ១ - អ្នក​វិនិយោគ ២ - ធនាគារ ៣ - អ្នក​ផ្គត់​ផ្គង់ ៤ - អ្នក​វិភាគ ៥ - សហជីព ៦ - ពន្ធដារ -ល-